Një tifoz futbolli në Indi është bërë viral në rrjet pasi deklaroi se ka anashkaluar dasmën e tij për të shkuar dhe për të parë Lionel Mesin, i cili aktualisht është në turne në vend. Sipas raporteve lokale, tifozi zgjodhi shansin një herë në jetë për të parë idhullin e tij personalisht sesa për të marrë pjesë në ceremoninë e tij të dasmës, duke ndezur debat të gjerë në internet.
“Të gjithë ishin të emocionuar sot, pasi Mesi po vinte. Është dita e dasmës sime, por i lashë të gjitha ceremonitë për të qenë këtu. Megjithatë, menaxhmenti ishte aq patetik saqë as nuk munda ta shihja”, tha ai. Ndërsa disa lavdëruan pasionin e tij për futbollin dhe përkushtimin ndaj kampionit të Botës, të tjerë vunë në dyshim vendimin, duke e quajtur atë ekstrem. Historia ka nxjerrë edhe një herë në pah ndikimin global të Mesit dhe se çfarë tifozët janë të gatshëm të bëjnë për të parë superyllin argjentinas.
