Në mbledhjen e sotme të Këshillit të Ministrave, janë emëruar disa zëvendësministra të rinj. Eralda Methasani, ish-këshilltarja e kryeministrit Edi Rama, është emëruar zëvëndësministre e integrimit, ndërkohë që në vendin bosh të zëvëndësministrit të drejtësisë është emëruar Eridian Salianji, duke zëvendësuar kështu Idlir Peçin, i cili kaloi në detyrën e zëvëndësministrit të mbrojtjes. Njëkohësisht, Redi Shtino është emëruar zëvëndësministër i arsimit dhe sportit, ndërsa Klejdi Haxhiu do të jetë zëvëndësministër i mjedisit.