Teksa kanë kaluar 48 orë nga arrestimet që bënë uniformat blu tek protesta e Partisë Demokratike  për parkun e Liqenit Artificial, në Tiranë, Prokuroria e Tiranës ka vendosur që të kërkojë "detyrim paraqitje" për 13 protestuesit e arrestuar. Mes tyre është edhe ish-deputeti demokrat Ndriçim Babasi, ndërkohë që të arrestuarit e tjerë janë Grigels Muçollari, Indrit Hoxha, Erjon Dizdari, Franci Doka, Gerald Metko, Silvio Sheme, Jurgen Kupi, Soven Sheme, Arlind Kajo, Klejdi Kalaja, Behar Hasa dhe Tonin Kolthi. Gjykata e Shkallës së Parë, në Tiranë, ka qenë dakort me kërkesën e organit të akuzës, duke lënë të lirë të arrestuarit.