Pas muajit mars, aplikimet për leje ndërtimi do të bëhen vetëm online. Kjo u bë e njohur gjatë analizës vjetore të punës, në Ministrinë e Shtetit për Inovacionin dhe Administratën Publike. Ministrja Milena Harito, në prezantimin e saj, ka evidentuar faktin se dy prej shërbimeve më të kërkuara për momentin nga qytetarët do të ofrohen online, përmes portalit E-Albania, duke mënjanuar radhët e gjata nëpër sportele dhe sorrollatjen nëpër zyrat e shtetit. Kështu, krahas lejeve të ndërtimit, ‘on-line’ do të ofrohet edhe aplikimi dhe pajisja me Kartën e Shëndetit.