Prokuroria ka kërkuar 1 vit burg për Ndrea Prendin, ish komandantin e Gardës se republikes, dhe pasardhësin e tij të komanduar, Artan Hoxha. Gjithashtu, 1 vit burg është kërkuar edhe për ish-drejtoreshën e burimeve njerëzore të Gardës se Republikes, Shqipe Jasimi. Në Gjykatën e Tiranës është zhvilluar sot seanca ndaj tyre. Ata akuzohen për shpërdorim detyre. Sipas pretencës, të tre personat kishin përgjegjësi edhe për hartimin e listës së prezencës mujore për të bërë më pas edhe pagesat e pagave. Hetimi ka nisur pas një kallëzimi të Ministrisë së Brendshme, e cila ka bërë një audit në Gardën e Republikes, në korrik të vitit 2014.