Përfaqësues të shoqërisë civile kanë protestuar paraditen e sotme kundër projektit të Bashkisë së Tiranës për ndërtimin e një parku lojërash brenda parku të madh të Liqenit Artificial. Forca të shumta policore janë vënë në dispozicion për të bërë të mundur mbarëvajtjen e protestës, por mësohet se mes tyre dhe protestuesve ka pasur përplasje fizike, pasi protestuesit kanë shkatërruar sërish gardhin rrethues të zonës ku është parashikuar të ndërtohet parku. Mësohet se gjashte persona janë shoqëruar nga efektivët e policisë pas përplasjes fizike gjatë protestës së sotme.