Ministri i shëndetësisë Ilir Beqaj e ka konsideruar të padrejtë vendimin e Gjykatës së Tiranës për pushimin e çështjes ndaj tij dhe Lulzim Bashes, kryetarit të Partisë Demokratike. Ministri Beqaj tha se brenda javës do të padisë sërish Bashen në Prokurori. Padia e ministrit të shëndetësisë u bë për akuzat e opozitës në lidhje me konçensionet dhe tenderat në sistemin e shëndetësisë. Gjykata e Tiranës ka pushuar çështjen e ministrit të shëndetësisë Ilir Beqaj dhe kryetarit të opozitës Lulzim Basha me arsyetimin se paditësi, ministri i shëndetësisë Beqaj, nuk është paraqitur në proceset gjyqësore. Pas disa orëve nga komunikimi i vendimit, ministri Beqaj ka mohuar të mos jetë paraqitur, ndërsa paralajmëroi se do t’i drejtohet sërish Prokurorisë me një tjetër padi ndaj Bashës.