8 dhjetor 2015 – Një automjet tip “Golf” ka shpërthyer në flakë dhe si pasojë ka mbetur i plagosur rëndë drejtuesi i mjetit, E.I 34 vjeç.
Ngjarja ka ndodhur mëngjesin e sotëm, pranë tregut në zonën e Kombinatit, Tiranë, ku mjeti me targa AA880 BX, për arsye ende të paqarta është përfshirë nga një shpërthim.
Burimet policore thonë se 34-vjeçari i plagosur është dërguar në Spitalin e Traumës dhe sipas mjekëve, ka dëmtime të rënda në gjymtyrë.
U desh ndërhyrja e zjarrfikësve për të bërë të mundur shuarjen e flakëve që përfshinë mjetin nga shpërthimi.
/portali DurresLajm/
