Autoritetet italiane kanë shkatërruar një grup trafikantësh droge, i cili drejtohej nga shtetas shqiptarë.
Me urdhër të lëshuar nga Prokuroria e Frozinones janë ekzekutuar 13 urdhër – arreste me akuzën e trafikut të lëndëve narkotike.
Hetimet kanë nisur në mars të 2018-ës pas sekuestrimit të disa makinave të modifikuara enkas për transportimin e drogës.
Hetimet zbuluan se një grup trafiku i lëndëve narkotike anonim vepronte në komunat Alatri, Fiuggi, Ostia, Ferentino e Frozinone.
Grupi e trafikonte drogën jo vetëm në këto komuna, por edhe në veriun e Italisë.
