Një aksident i rëndë ka ndodhur në shtetin verilindor të Brazilit, Bahia, ku 11 persona kanë humbur jetën dhe pesë të tjerë janë plagosur pas përplasjes së një furgoni pasagjerësh me një kamion.
Aksidenti ndodhi mëngjesin e së hënës në një autostradë në rajonin malor të Chapada Diamantina, një zonë e njohur turistike. Furgoni mbante 16 pasagjerë, nga të cilët nëntë ishin anëtarë të së njëjtës familje, duke udhëtuar nga Boa Vista do Tupim drejt Rui Barbosa, rreth 70 kilometra larg.
Sipas kryebashkiakut të Rui Barbosa, Ney Diaz, viktimat janë tetë fëmijë dhe tre të rritur. Autoritetet ende nuk kanë përcaktuar shkaqet e aksidentit.
