Një vajzë vetëm 4 vjeçe ka vdekur në mënyrë tragjike nga etja pasi varka në të cilën ndodhej mbeti në det për 10 ditë.
Vajza me origjinë iraniane, e cila ishte refugjate ndodhej në varkë së bashku me prindërit, motrën e saj dhe rreth 60 persona të tjerë.
Ata ishin nisur nga Libani për një jetë më të mirë në Europë.
“Anija ishte në zonën Sar (Kërkim dhe shpëtim) të Maltës – shpjegon aktivisti Nowal Soufi, i cili mori SOS, dhe menjëherë njoftoi autoritetet e Valettës. “Shpëtimi është vetëm çështje kohe”, më thanë”. Por kjo nuk ndodhi. Varka kishte filluar të fundosej,” tha ai.
Ata u shpëtuan rastësisht nga një anije mallrash, por për vajzën e vogël nuk kishte më shpresë.
Ajo kishte vdekur tashmë nga mungesa e ujit të pijshëm. Motra e saj u shtrua gjithashtu në spital pasi kishte konsumuar ujë të kripur me tepricë për të shuar etjen, shkruajnë mediet italiane.
