Një ngjarje e rëndë ka ndodhur në Romë, ku një studente amerikane 21-vjeçare humbi jetën pas një reaksioni alergjik të shkaktuar nga një sanduiç.
Si ndodhi ngjarja?
E reja, Avarie Anne Tierney, ndodhej në zonën Pigneto me disa miq, në një qendër për studentët e Erasmus, kur, menjëherë pasi konsumoi sanduiçin e blerë në një restorant, pati një shok anafilaktik dhe u rrëzua në tokë.
Me ndihmën e shokëve të saj, ajo arriti të kthehej në banesë, ku i dhanë një dozë Bentelan, por gjendja e saj u përkeqësua. Studentja pësoi një infarkt, ndërsa mjekët tentuan disa herë ta shpëtonin me masazh kardiak dhe frymëmarrje artificiale, por pa sukses.
Çfarë thonë hetimet?
Sipas autoriteteve, dyshohet se e reja nuk i kishte informuar kamerierët për alergjinë e saj ndaj arrave shqeme, ndoshta sepse nuk fliste italisht. Hetimet vazhdojnë dhe priten rezultatet e autopsisë për të konfirmuar shkakun e saktë të vdekjes.
