Bejruti ende po llogarit dëmet e shkaktuara nga shpërthimet e së martës në portin e saj. Tashmë janë të konfirmuar 135 viktima dhe mbi 4000 të plagosur, ndërsa vendi ka shpallur gjendjen e jashtëzakonshme dy javore dhe operacionet e atyre që ende mungojnë po vijon.
Presidenti Michel Aoun tha se shpërthimi ishte shkaktuar nga 2.750 tonë nitrat amoniumi të ruajtur në mënyrë të pasigurt në një depo në Portin e Bejrutit.
Njerëzit kanë filluar të shprehin zemërimin ndaj qeverisë për ato që ata thonë se ishte neglizhencë që çoi në shpërthimin e madh të së martës. Shumë prej tyre kanë akuzuar autoritetet për korrupsion dhe keqmenaxhim.
Të mërkurën, qeveria njoftoi se një numër i zyrtarëve të Portit të Bejrutit janë në arrest shtëpiak në pritje të një hetimi mbi shpërthimin.
Këshilli i Lartë i Mbrojtjes i vendit këmbënguli që ata që konsiderohen përgjegjës do të përballen me “dënimin maksimal”.
