Presidenti Bajram Begaj ka shprehur ngushëllimet për familjet e prekura nga tërmeti në Marok.
Në një postim në rrjetin social X, Begaj shkruan se është zemërthyer nga tërmeti i tmerrshëm dhe se qëndrojmë me popullin e Marokut në këto çaste të vështira.
Bajram Begaj: Zemërthyer nga tërmeti i tmerrshëm që goditi Marokun. Ne qëndrojmë me popullin e Marokut dhe u dërgojmë ngushëllimet tona të sinqerta familjeve të prekura nga kjo tragjedi.
Më shumë se 600 njerëz kanë vdekur pas një tërmeti të fuqishëm që goditi Marokun qendror, sipas ministrisë së brendshme të vendit.
Tërmeti goditi pas orës 23:00 me kohën lokale, në një thellësi relativisht të cekët 71 km (44 milje) në jug-perëndim të Marrakeshit, sipas Shërbimit Gjeologjik të SHBA-së.
