Një ngjarje e rëndë ka ndodhur pasi një baba ka rreshtuar tre djemtë e tij dhe i ka ekzekutuar. Rasti ka tronditur gjithë Ohajon në SHBA. Fëmijët që u vranë me gjakftohtësi nga babai i tyre ishin të moshës 7,4 dhe 3 vjeç.
Chad Doerman u arrestua menjëherë pas krimit të enjten e kaluar dhe po mbahet në burgun e qarkut Clermont. Të premten, kur doli në gjykatë, 32-vjeçari shpërtheu në lot teksa prokurorët përshkruan tmerrin që ndodhi në shtëpinë e tij, kur rreshtoi tre djemtë e tij të vegjël dhe i ekzekutoi.
Duke i quajtur vrasjet e djemve si “veprimi më i keq kriminal” që ka parë në karrierën e tij, prokurori Gast shpjegoi se nëna 34-vjeçare u përpoq të shpëtonte fëmijët e saj duke i rrëmbyer armën 32-vjeçarit, i cili e qëlloi atë në krah. Sipas të njëjtit prokuror, Doerman pranoi veprimet e tij, të cilat duket se ishin të paramenduara, megjithëse motivet e tij të sakta mbeten të panjohura për momentin.
Bodycam footage of police in #Ohio bravely arrested 32-year-old Chad Doerman. Heartless #Doerman lined up his innocent boys aged 3, 4 and 7 at their home and executed them with a rifle. At the time of arrest, the rifle was sitting next to this heartless father. pic.twitter.com/lEBH6Z5BjJ
— Insider Times (@Insider_Times) June 18, 2023
Mediat ndërkombëtare raportojnë se njerka e burrit ka mundur t’i shpëtojë masakrës, e cila ka ikur me vrap duke i kërkuar fqinjëve të thirrisnin policinë. Pak kohë më vonë departamenti lokal mori një telefonatë ndoshta nga nëna e djemve dhe një makinë patrullimi u dërgua në vendngjarje.
Në videon e publikuar pas arrestimit të 32-vjeçarit, ai shihet i qetë me armën pranë tij në shkallët e shtëpisë. Policia e arreston ndërsa qentë e tij lehin fort. Në sfond dëgjohet një grua duke qarë dhe duke bërtitur, e cila ndoshta është nëna e djemve të vdekur.
Babai 59-vjeçar i vrasësit të fëmijëve tha për New York Post se ai dhe gruaja e tij po përpiqen të kuptojnë sesi djali i tyre kreu këtë krim të tmerrshëm, por fatkeqësisht “nuk kanë përgjigje”.
“Kishte diçka në jetën e tij që ai nuk mund ta përballonte më. Unë nuk mund të flas me të, nuk më lënë ta shoh, kështu që nuk di çfarë t’ju them. Me siguri më ka fshehur shumë gjëra”, tha babai i 32-vjeçarit Keith Doerman.
Disa ditë para masakrës në shtëpinë e tij, Chad Doerman kishte ndryshuar foton e tij në Facebook ku shihet me djemtë e tij. Postimet e tij me djemtë ishin të shpeshta kohët e fundit, ku të gjithë shihen të buzëqeshur.
