Nuk u ka mbijetuar dot plagëve të marra, i riu i cili ra nga kati i dytë i banesës së tij të shtunën.
30-vjeçari R.H., ka ndërruar jetë dje në spitalin “Nënë Tereza”.
Aksidenti ndodhi pasditen e së shtunës, në rrugën “Faik Toptani” në kryeqytet. Mësohet se 30-vjeçari R.H., ka qenë duke punuar në ballkonin e banesës, kur aksidentalisht ka rënë nga kati i dytë.
Ai u dërgua me urgjencë në spital nga familjarët, por nuk mundi të mbijetojë.
Lidhur me këtë ngjarje materialet iu referuan Prokurorisë së Tiranës, për ngjarje aksidentale.
