Një foshnjë e porsalindur është gjetur e vdekur jashtë një kishe në Londër, brenda një qeseje të zezë mbeturinash. Trupin e foshnjës e zbuloi një punonjës pastrimi pranë Kishës All Saints në Notting Hill.
Policia Metropolitane ka arrestuar nënën 30-vjeçare, e cila ndodhet në spital për kujdes mjekësor. Hetimet po vazhdojnë, ndërsa Scotland Yard ka njoftuar se do të kryhet një autopsi për të përcaktuar shkakun e vdekjes.
Autoritetet u kanë bërë thirrje qytetarëve të shmangin spekulimet, duke theksuar se çështja po trajtohet me prioritet të lartë.
