Një ngjarje tragjike ka ndodhur në fshatin Bardhaj të Shkodrës, ku raportohet se është gjetur i mbytur në një kanal një punonjës i FNSH-së.
Viktima i identifikuar si Nikoll Lekndreu, ka humbur jetën mbrëmjen e kaluar.
Efektivi pasi është takuar me disa miq të tij, ka qenë duke u kthyer në shtëpi me motor, por për shkak të stuhisë së madhe të shiut dhe erës e ka pasur të vështirë lëvizjen.
Burime nga policia e Shkodrës bëjnë me dije se efektivi është aksidentuar me mjetin e tij dhe më pas ka rënë në kanal, e si pasojë ka gjetur vdekjen.
Policia e Shkodrës thotë se ngjarja është aksidentale.
