Një kampion bote në stol si Filippo Inzaghi, dhe tani një kampion bote edhe në fushë:
Salernitana ka njoftuar punësimin e Jerome Boateng, i cili ishte lojtar i lirë që nga qershori kur i skadoi kontrata me Lyon.
Mbrojtësi gjerman, 35 vjeç, ka nënshkruar deri në qershor me opsion rinovimi edhe për një vit tjetër nëse palët do të mbeten të kënaqur nga bashkëpunimi dhe do të arrijnë objektivat.
Boateng do të mbajë veshur fanellën me numrin 5.
Klubi italian e prezantoi Boateng nëpërmjet një video argëtuese në rrjetet sociale, ku kampioni i botës 2014 shihet duke përshëndetur tifozët në dialektin dhe tregon stemën Salernitana.
Në sezonin e fundit në Ligue 1 Boateng kishte bërë tetë paraqitje (në 27 ndeshjet e para), përpara përvojës së tij dhjetëvjeçare te Bayern Munich ku ai fitoi dy herën trofeun e Champions League, dy Kupa të Botës për Klube, dy Superkupa UEFA, nëntë Bundesliga, pesë Kupa të Gjermanisë dhe pesë Superkupa të Gjermanisë.
Karriera e tij përfshin gjithashtu përvojë te Hertha Berlin, Hamburg dhe Manchester City (ku fitoi FA Cup).
