Jasir Asani, po kalon një moment tepër të vështirë në karrierën e tij si porfesionist te Gwangju në Koren e Jugut.
Në këtë sezon sulmuesi i krahut është aktivizuar vetëm 8 minuta në 12 ndeshje duke vënë në pikëpyetje vendin e tij në kombëtaren shqiptare.
Lidhur me këtë situatë së fundi ka folur edhe trajneri i Gwangju, Lee Jung-hyo, i cili është i pakënaqur nga rendimi i ndërkombëtarit shqiptar në stërvitje.
“Asani ka shtuar shumë peshë dhe nuk është mjaftueshëm i mirë në stërvitje. Edhe nëse humbasim 10 ndeshje radhazi, ai përsëri nuk do të luajë ndeshje me performanca e tij aktuale për sa kohë që unë jam trajner i ekipit,” u tha Lee gazetarëve.
Kjo deklaratë nuk është pritur mirë nga Asani, që hedhur poshtë pretendimet e trajnerit duke treguar muskujt nga palestra gjatë stërvitjes.
Nëpërmjet një fotografie të postuar në Insta Story, 28-vjeçari tregon se është në formën e tij më të mirë fizike.
![](https://durreslajm.al/app/uploads/2024/05/1715781166466blob-575x1024.png)
Gjithsesi mungesa e minutazhit do të jetë një minus i madh për të dhe trajnerin Sylvinho, që e vlerëson maksimalisht mëngjarashin.
Anësori shqiptar sezonin e kaluar ishte golashënuesi më i mirë i Gwangju, me shtatë gola dhe tri asiste në 33 ndeshje në kampionat, ndërsa tani po ngroh stolin.