Tefik Osmani nuk ndalet me provokimet në rrjetet sociale pas triumfit në derbin ndaj Partizanit me rezultatin e thellë 5-1.
Edhe pse korçari nuk ishte protagonist në fushën e lojës, duke qëndruar në stol, kjo gjë nuk e pengon aspak për të qenë protagonist në rrjetet sociale.
Teksa ditën e djeshme Osmani postoi një foto me flamurin bardheblu të vendosur në mesfushën e “Air Albania”, kësaj here korçari ka provokuar, duke postuar një foto të zv.kryeministrit Erion Braçe, i cili është tifoz i deklaruar i Partizanit.
Në foton e postuar nga Osmani, Braçe shfaqet në parlament duke bërë numrin 5-së me dorë.
