Komisioneri i Përgjithshëm i UNRWA e ka quajtur “tronditës” vendimin e nëntë vendeve për të ndaluar financimin e tyre për agjencinë e ndihmës.
Philippe Lazzarini tha se pezullimi i fondeve nga vendet, të cilat përfshijnë SHBA-në dhe Britaninë e Madhe, kërcënon punën humanitare në Gaza.
Ai iu bashkua ministrisë së jashtme palestineze duke u kërkuar vendeve që të “rishqyrtojnë” vendimet e tyre.
Siç kemi raportuar gjatë gjithë ditës, organizata po heton nëse një grup i vogël i stafit të saj mori pjesë në sulmet e Hamasit më 7 tetor.
“UNRWA është agjencia kryesore humanitare në Gaza, me mbi 2 milionë njerëz që varen prej saj për mbijetesën e tyre të plotë”, tha Lazzarini.
“Rreth 3,000 staf kryesor nga 13,000 në Gaza vazhdojnë të raportojnë në punë, duke u dhënë komuniteteve të tyre një litar shpëtimi që mund të shembet në çdo kohë tani për shkak të mungesës së fondeve,” shtoi ai.
Lazzarini tha se UNRWA do të “detyrohet të pezullojë përgjigjen e saj humanitare” nëse financimi nuk do të rivendosej.
