Zbulohen fakte tronditëse nga vdekja e 5-vjeçarit maroken në pus.

E gjithë bota u shokua kur vogëlushi ra në një pus 35 të thellë dhe ndoqën për disa ditë operacionin e shpëtimit që fatkeqësisht përfundoi pa sukses.

Mediat e huaja bëjnë me dije se pusi që “gëlltiti” Rayan u hap nga babai i tij në një përpjekje për të gjetur ujë në mënyrë që ai të mund të kultivonte kanabis ose marihuanë.

Nëna e Rayanit, Wassima Khersheesh, iu referua me hidhërim pusit që mori djalin e saj si “vrima e pluhurit”.

E gjithë ngjarja tërhoqi vëmendjen botërore gjatë pesë ditëve përpjekjesh për të shpëtuar djalin e vogël.

Qindra marokenë vëzhguan ndërsa punonjësit e shpëtimit hapën një gropë paralele për të nxjerrë fëmijën nga pusi 32 metra i thellë jashtë shtëpisë së tij të vogël me tulla.

Pavarësisht pesë ditë përpjekjesh heroike, Rayan vdiq kur shpëtimtarët më në fund e nxorrën nga pusi fundjavën e kaluar.

Puse të tilla, shumë më të thella, mbulojnë rajonin e thyer të Rifit, të gërmuar nga fshatarët që kanë nevojë për ujë për bimët e tyre të kanabisit.