Presidenti amerikan, Donald Trump, ka kërcënuar Iranin me bombardime dhe sanksione ekonomike shtesë nëse nuk arrihet një marrëveshje mbi programin bërthamor të Teheranit. Në një intervistë telefonike për NBC News, Trump tha se zyrtarët amerikanë dhe iranianë janë angazhuar në bisedime, por shtoi se nëse nuk arrihet një marrëveshje, pasojat do të jenë të rënda.
Trump u shpreh se mund të ketë bombardime, por gjithashtu mund të vendosen tarifa të reja, duke përmendur një veprim të ngjashëm që ai kishte bërë gjatë mandatit të tij të parë në vitin 2017-2021, kur tërhoqi SHBA-në nga marrëveshjen bërthamore të vitit 2015. Ai gjithashtu rivendosi sanksione të ashpra ndaj Iranit, duke çuar Teheranin të tejkalojë kufijtë e dakorduar dhe të përshkallëzojë pasurimin e uraniumit.
Irani ka refuzuar deri tani kërcënimet e Trump-it, ndërsa Ministri i Jashtëm iranian, Abbas Araqchi, ka theksuar se Teherani ka përgjigjur përmes Omanit në një letër të dërguar nga Trump, ku ai e nxiste Iranin të negociojë një marrëveshje të re bërthamore. Përveç kësaj, fuqitë perëndimore akuzojnë Iranin për përpjekje të fshehura për zhvillimin e armëve bërthamore, ndërsa Teherani këmbëngul se programi i tij ka vetëm qëllime paqësore.
