Presidenti i SHBA-së Donald Trump konfirmon se ka marrë një propozim nga Irani për armëpushim, duke e quajtur atë ‘të rëndësishëm’, ndërsa sqaron se nuk shkon aq larg sa duhet.
‘Ata kanë bërë një propozim… Nuk është mjaftueshëm i mirë, por është një hap shumë i rëndësishëm’, thotë Trump ndërsa përgjigjet pyetjeve të gazetarëve gjatë gjuetisë së vezëve të Pashkëve në Shtëpinë e Bardhë.
I pyetur nëse afati i tij i së martës për Iranin për të rihapur Ngushticën e Hormuzit do të jetë i fundit, duke pasur parasysh se ai tashmë e ka shtyrë atë dy herë të tjera, Trump këmbëngul se nuk do ta bëjë këtë përsëri.
Trump thotë se Irani ka ‘negociuar me mirëbesim, se udhëheqësit e tij të rinj nuk janë ‘aq të radikalizuar’ dhe se lufta mund të ‘përfundojë shumë shpejt’.
Ai pretendon se Izraeli do të ishte ‘fshirë nga faqja e dheut’ nëse nuk do të tërhiqej nga marrëveshja bërthamore e Iranit në vitin 2015, dhe thotë se lufta aktuale ka të bëjë ‘me një gjë: Irani nuk mund të ketë një armë bërthamore’.
