Njëmbëdhjetë persona në bordin e një fluturimi të Delta Airlines u dërguan në një spital të martën, më 29 gusht, pasi përjetuan ” turbulenca të rënda ” përpara se të uleshin në Atlanta .
Aeroplani mbante 151 pasagjerë dhe 14 anëtarë të ekuipazhit nga Milano kur filloi turbulenca, tha një zëdhënës i Delta. 11 të plagosurit përfshijnë anëtarë të ekuipazhit dhe pasagjerë. Ende nuk dihet shkalla e lëndimeve.
Videot e shpërndara në mediat sociale treguan të paktën dy persona duke u transportuar me barela në pistën e Airbus A350 pasi ai u ul i sigurt në Aeroportin Ndërkombëtar Hartsfield-Jackson të Atlantës. Një grua, që besohet të jetë stjuardesë , doli nga avioni me një fashë në kokë dhe një mbajtëse në qafë, ndërsa një pasagjer u pa duke mbajtur një pako të madhe akulli në kokë.
Disa anëtarë të ekuipazhit u filmuan gjithashtu me mbajtëse në qafë teksa ishin ulur në karrige me rrota brenda terminalit.
Pasagjerja që ka realizuar videon, ka kujtuar se si avioni “ra” papritur nga turbulencat, duke bërë që shumë njerëz, përfshirë edhe atë, të ” fluturojnë nga vendet e tyre
