Kjo e martë ka shënuar trafik të ngarkuar në rrugët e plazhit të Durrësit. 6 autobuzë kanë mbërritur nga Rinasi, me pushues të huaj, Polakë, Çekë e Ukrahinas, me çarterin e radhës. 300 pushues të tjerë largohen po sot, pas 8 ditë pushimesh në bregdetin e Durrësit.
Pjesa më e madhe e turistëve të huaj në intervistat e dhëna për “Durrës Lajm”, kanë pohuar se kanë zgjedhur të pushojnë këtu, pasi janë lidhur nëpëmjet agjencive turistike duke bërë edhe prenotimin e pushimeve.
Agjencitë turistike kanë ofruar kushtet dhe çmimet e hoteleve së bashku në guidat turistike. Në dispozicion të pushuesve janë vënë fluturime çarter, ndërsa në linjat e reja të fluturimeve me Barin dhe Ankonën kanë sjellë konkurrencë në tranpsortin detar e atë ajror.
Përfaqësuesit e agjencive turistike bëjnë me dije se këtë vit ka në bum të madh të të huajve që kanë prenotuar në hotelet e Durrësit. Janë së paku 10 hotele duke nisur nga plazhi i Durrësit deri në Golem që kanë mbyllur rezervimet e tyre deri në 30 shtator.
“ Hotelet janë plot deri në 30 shtaor, me pushues nga këto vende, si Ukrainë, Çeki dhe Poloni. Ka një fluks të madh kërkesash pohoi një përfaqësues i kompanisë turistike.
Pushuesit e huaj, të sapombërritur, pohojnë se kanë rezervuar pushimet në Durrës, pasi janë njiohur me kushtet që ofohen.
Një mijë Euro për 8 ditë, kjo është një mesatare që shpenzojnë turistët e huaj. Ata shprehen se do të notojnë në det e do të shijojnë gatimet tradicionale, do të vizitojnë kryeqytetin e do të relaksohen.
K.H.
