Një snajperist, me origjinë nga Serbia, i cili luftonte në anën e Partisë Punëtore të Kurdistanit, është vrarë në juglindje të Turqisë, raportojnë mediat turke. Ndërkaq, gjatë ditës një snajperist tjetër nga Serbia është arrestuar nga autoritetet turke. Snajperisti nga Serbia dyshohet se është vrarë në një aksion të zhvilluar më 29 janar, ku ishte raportuar se të paktën pesë të huaj kishin humbur jetën duke luftuar në anën e kurdëve. “Gjatë aksionit ishin identifikuar edhe shumë luftëtarë tjerë të huaj,” – ka deklaruar kryeministri turk Ahmet Davutoglu.