Të paktën 33 persona kanë humbur jetën, pasi dy varka me emigrantë janë përmbytur në Detin Egje. Incidenti i parë ndodhi në brigjet turke të Dikilisë, në provincën Smirne, ku viktimat janë 11. Tre persona shpëtuan, ndërsa vazhdojnë operacionet e kërkim-shpëtimit në rast se ka akoma të mbijetuar. Tragjedia tjetër ndodhi në provincën Balikesi, që ndodhet në zonën veriore. Në këtë rast numërohen të paktën 22 te vdekur.