Rrjeti social, Twitter ka dërguar një email te klientët e tij të biznesit, për t’u thënë se informacionet personale mund të jenë “vjedhur”.
Kompania tha se ishte e mundur që persona të tjerë, të kenë qasje në të dhënat e tyre personale; adresën e postës elektronike, numrin e telefonit dhe katër shifrat e fundit, të numrit të kartës të kreditit të klientit.
Ende nuk është e qartë se sa biznese janë prekur. Kompania tha se ajo e kuptoi gjithë situatën më 20 maj dhe që atëherë ka punuar për të rregulluar problemin.
“Na vjen keq shumë që ndodhi kjo. Ne e njohim dhe vlerësojmë besimin që ju vendosni tek ne dhe jemi të përkushtuar ta fitojmë atë besim çdo ditë”.
