Policia e Durrësit ka reaguar për ngjarjen e ndodhur sot te porti i peshkimit, ku u gjet një person i pajetë.
Policia informon se viktima është shtetasi E. A., 42 vjeç, banues në Tiranë. Nga hetimet e deritanishme dyshohet se 42-vjeçari, i cili vuante nga probleme të shëndetit mendor, është mbytur aksidentalisht në det.
NJOFTIMI I POLICISË:
Më datë 23.11.2023, në një kalatë peshkimi në portin e Durrësit, është gjetur i pajetë dhe pa shenja dhune, trupi i shtetasit E. A., 42 vjeç, banues në Tiranë. Nga hetimet e deritanishme dyshohet se 42-vjeçari, i cili vuante nga probleme të shëndetit mendor, është mbytur aksidentalisht në det.
Grupi hetimor vijon punën për sqarimin e rrethanave të rastit.
