Ndaj një 28-vjeçari në qytetin e Fierit është hapur një procedim penal nga Policia. M.R., banues në Fier, u gjobit nga Rrugorja e Fierit për xhamat e zinj të makinës me të cilën qarkullonte.
28-vjeçari më pas ka tentuar të korruptojë punonjësin e policisë së Rrugores, me qëllim shamngien e gjobës administrative ndaj tij duke i ofruar policit një shumë parash.
Më pas, kanë kaluar në Prokurori materialet proceduriale për këtë shtetas për veprën penale “Korrupsioni aktiv i personave që ushtrojnë funksione publike”.
Njoftimi i Policisë:
Fier/Tentoi të korruptonte punonjësin e Policisë Rrugore, me qëllim shmangien e masës administrative, procedohet penalisht 28-vjeçari.
Gjatë kontrolleve parandaluese, shërbimet e Policisë Rrugore të DVP Fier kanë ndaluar për verifikim, automjetin me drejtues shtetasin M. R., pasi është konstatuar duke drejtuar një automjet me xhama të zinj.
Me qëllim shmangien e masës administrative, drejtuesi i automjetit ka tentuar të korruptojë punonjësin e Policisë, duke i ofruar atij një shumë parash.
Në vijim të veprimeve, u referuan materialet procedurale në Prokurorinë pranë Gjykatës së Shkallës së Parë të Juridiksionit të Përgjithshëm Fier, për shtetasin M. R., për veprën penale “Korrupsioni aktiv i personave që ushtrojnë funksione publike”.
