Policia e Gjirokastrës ka vënë në pranga sot 47-vjeçarin Gazmend Hysenaj banues në Tepelenë pasi gjatë kontrollit të ushtruar nga shërbimet e policisë iu sekuestrua lëndë e dyshuar kanabis sativa.
Njoftimi i Polisisë:
Specialistët e Seksionit për Hetimin e Trafiqeve të Paligjshme dhe Narkotikëve të DVP Gjirokastër arrestuan në flagrancë shtetasin Gazmend Hysenaj, 47 vjeç, banues në fshatin Matohasanaj, Tepelenë.
Arrestimi i këtij shtetasi u bë pasi gjatë kontrollit të ushtruar nga shërbimet e Policisë, në banesën e tij, u gjet një sasi lënde e dyshuar narkotike cannabis sativa, e cila u sekuestrua në cilësinë e provës materiale.
Materialet në ngarkim të shtetasit G. H. i kaluan Prokurorisë pranë Gjykatës së Shkallës së Parë Gjirokastër, për veprën penale “Prodhimi dhe shitja e lëndëve narkotike”.
