Vijojnë kontrollet intensive për parandalimin dhe goditjen e aktivitetit të paligjshëm të lojrave të fatit, evidentohet dhe goditet 1 rast.
Procedohen në gjendje të lirë 3 shtetas, pasi u kapën në flagrancë në një lokal, duke organizuar lojëra fati, me celularë.
Specialistët për Hetimin e Krimeve të Komisariatit të Policisë Durrës, nga kontrollet e vazhdueshme në ambiente të ndryshme, të kryera me qëllim goditjen e rasteve të organizimit të kundërligjshëm të lojërave të fatit, kanë konstatuar se një lokal në Durrës, organizoheshin lojëra fati (baste sportive). Në vijim të veprimeve procedurale u referuan materialet në Prokurori ku ka nisur procedimi në gjendje të lirë për shtetasit G. G., 51 vjeç, A. I., 28 vjeç dhe A. S., 32 vjeç, të gjithë banues në Durrës. Në cilësinë e provës materiale janë sekuestruar 3 celularët që përdoreshin për këtë veprimtari të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
