Ministrja e Arsimit, Evis Kushi ka reaguar duke shprehur keqardhjen për vdekjen e drejtorit të shkollës “Lidhja e Prizrenit” në Paskuqan, Dedë Malaj.

Ajo thotë se Malaj u përpoq shumë ‘për ta mposhtur virusin e pabesë’.

“Ndaj me familjen e mësues Dedës e të afërmve të tjerë, me kolegët e nxënësit e tij, ndjenjën më të thellë të hidhërimit për këtë njeri të palodhur në punën e tij, që ndër vite ka dhënë vetëm kontribut të mirë në arsim”, shkruan ministrja, teksa gjen rasti për të apeluar qytetarët që ta mbajnë maskën për të frenuar sa më shumë rritjen e rasteve me të infektuar.

“Me keqardhje të thellë prita lajmin e ndarjes nga jeta të arsimtarit dhe drejtuesit të nderuar, Dede Malaj, pas një përpjekjeje të madhe për ta mposhtur virusin e pabesë Covid-19.

Ndaj me familjen e mësues Dedës e të afërmve të tjerë, me kolegët e nxënësit e tij, ndjenjën më të thellë të hidhërimit për këtë njeri të palodhur në punën e tij, që ndër vite ka dhënë vetëm kontribut të mirë në arsim.

Me këtë rast, apeloj sërish shumë fort që për asnjë moment mos ta ulim vigjilencën për të mbrojtur shëndetin tonë dhe të tjerëve, por akoma më shumë të rrisim ndërgjegjësimin qytetar që të frenojmë përhapjen e mëtejshme të virusit.

#MbajeMaskën #RuajShëndetin #ShpëtoJetë”, shkruhet në reagimin e saj të plotë.