Gjykata Evropiane e të Drejtave të Njeriut ka shqyrtuar së fundmi rastin e ish-prokurorit Besnik Cani, të shkarkuar në vitin 2020 pas rivlerësimit gjatë procesit të vettingut.
Pas shkarkimit, Cani e dërgoi çështjen në Gjykatën e Strasburgut me arsyetimin se gjykimi i tij ishte kryer në kundërshtim me rregullat e pranueshmërisë.
Gjykata konstatoi se argumenti i ankuesit kishte arritur në një pretendim serioz dhe të argumentuar të një shkelje e dukshme të një rregulli themelor të ligjit të brendshëm, që kishte ndikuar negativisht në emërimi i një prej gjyqtarëve të ulur në bankën që kishte dëgjuar çështjen e tij.
Prandaj, ajo arriti në përfundimin se e drejta e kërkuesit për një “tribunal të krijuar me ligj” ishte shkelur.
Gjithashtu, sipas nenit 46 (forca detyruese dhe zbatimi) ai konstatoi se kompensimi më i përshtatshëm për shkeljen e të drejtave të kërkuesit do të ishte rihapja e çështjes dhe rishqyrtimi i saj në përputhje me kërkesat e nenit 6 § 1 të Konventës.
Nga ana tjetër Gjykata ka refuzuar kërkesën e ish-prokurorit Cani për rikthim të menjëhershëm në detyrë dhe për kompensim të dëmeve materiale.
Kolegji i Posaçëm i Apelimit vendosi shkarkimin e menjëhershëm nga detyra për anëtarin e Këshillit të Lartë të Prokurorisë, Besnik Cani në shkurt të 2020, vendim i cili u mor me mungesën e burimeve të ligjshme për justifikimin e pasurisë dhe cënimin e besimit të publikut te sistemi i drejtësisë. Besnik Cani çoi për shqyrtim çështjen në Gjykatën Evropiane për të Drejtat e Njeriut me argumentin se gjyqtari i tij ishte larguar nga funksioni i tij si gjyqtar, dhe ishte zgjedhur në shkelje të ligjit të vetingut, duke falsifikuar dokumentat dhe duke e fshirë nga jetëshkrimi i tij këtë fakt.
