Pas fitores ndaj Veronës, në “Milanello” u ndje edhe më fort atmosfera e Krishtlindjeve. Pas dy ditësh stërvitje, Fonseka i dha ekipit tri ditë pushime, me punën që do të rinisë nesër.milanKjo kohë mes lojtarëve është edhe një mundësi për të festuar “Babagjyshin Sekret”, një lloj lotarie Krishtlindjesh, përfshinte jo vetëm ekipin dhe stafin teknik, por edhe punëtorët e magazinës dhe personelin mjekësor. Në praktikë, rreth 20 ditë më parë hodhëm short për të parë se kush duhej t’i jepte dhuratën kujt dhe më në fund kishte ardhur koha për të hapur dhuratat. Natyrisht, duke pasur parasysh larminë e pjesëmarrësve, marrëveshja ishte që të jepeshin vetëm dhurata inteligjente.
Doktori i ekipit duhej t’i dhuronte diçka Majk Menjasë dhe, duke ditur pasionin e tij të madh për atletet, mendoi se ishte e udhës t’i jepte një libër për këpucët aq të dashura nga portieri francez. Në pakon e tij, Paulo Fonseka gjeti një shishe verë nga një vjelje e veçantë, 1973, data e lindjes së tij.Nga ana e tij, trajneri i dhuroi një punëtori të magazinës një fundjavë në Portugali, për t’i mundësuar që të njihej me atdheun e tij. Surprizë e madhe për Kristian Pulisiç, i cili mori një palë këpucë me mbishkrimin “Kapiten Amerika” nga “Puma” (sponsor teknik i kuqezinjve). Dhe pastaj më shumë topa golfi për Alvaro Morata. Ndërsa Mateo Gabia rezervoi një dhuratë të veçantë për të gjithë stafin për të festuar rinovimin. Jo ekzaktësisht një dhuratë për Krishtlindje, por mendimi ishte shumë i mirëpritur.
