Udinese ndryshon trajnerin pas humbjes së rëndë në Verona: Gabriele Cioffi shkarkohet, në vendin e tij vjen Fabio Cannavaro.
Për ish-trajnerin e Benevento-s do të jetë eksperienca e parë në Serie A dhe ai do të thirret për të ringjallur një skuadër që në katër ndeshjet e fundit ka pësuar tre humbje dhe një barazim dhe është me 28 pikë, aq sa Frosinone në zonën e rënies.
Gjithashtu në stafin e Cannavaro, i cili nënshkroi deri në qershor me opsion për sezonin e ardhshëm në rast shpëtimi, është vëllai i tij Paolo (zëvendës), Giampiero Pinzi dhe Francesco Troise.
Debutimi do të zhvillohet të enjten në orën 20:00 ndaj Romës, në rikuperimin e ndeshjes së ndërprerë nga shqetësimi në zemër i futbollistit Ndicka.
Në orët e fundit, pronari Pozzo kishte kontaktuar edhe me Edy Rejën por nuk gjeti marrëveshje me trajnerin 78-vjeçar, i cili nuk kishte dëshirë të rikthehej në Serie A.
Për Udinesen Cannavaro, kampion bote i vitit 2006 dhe fitues i Topit të Artë do të jetë trajneri i tretë i sezonit.
Eksperienca e parë në Itali e ish-mbrojtësit ishte në Serie B, në shtator 2022, me Beneventon: pas 16 pikëve në 17 ndeshje, ai u shkarkua nga klubi.
