Urdhri i Mjekut Durrës uron Ditën Botërore të Mjekut: Respekt dhe nderim për heronjtë e frontit të parë

Urdhri i Mjekut Durrës uron bluzat e bardha në Ditën Botërore të Mjekut.

“Përulemi me respekt dhe nderim, para mjekëve, heronjve të frontit të parë të luftës mbarëbotërore!”, shkruhet ndër të tjera në postimin e Urdhrit të Mjekut Durrës në Facebook, ndërsa më tej falenderon personelin mjekësor për punën heroike në këto kohë të vështira pandemie.

POSTIMI I PLOTË

Urdhëri i Mjekut Durrës ju uron të gjithë mjekëve Gëzuar Ditën e Mjekut.

Përulemi me respekt dhe nderim, para mjekëve, heronjve të frontit të parë të luftës mbarëbotërore!

Faleminderit për gjithçka që bëni në punën tuaj heroike. Veçanërisht në këto kohë të vështira të pandemisë ju falenderojmë për përkushtimin dhe sakrificat tuaja.

Falenderojmë mjekët e spitalit dhe qendrave të shërbimit ambulator, Durrës, që me gjithë vështirësitë kundrejt një virusi të panjohur më parë, për asnje moment nuk u ndalën dhe vazhduan me përkushtim punën e tyre misionare dhe sfiduese.

Jeta e shumë mjekëve u rrezikua aq sa disa prej tyre fatkeqësisht humbën edhe jetën.

Në Qarkun e Durrësit, fatmirësisht nuk patëm asnjë humbje jete në rradhët e mjekëve.

Mirënjohje dhe respekt për heronjtë tanë mjekë.

Presidente e Urdhërit të Mjekëve Durrës

Dr. Edlira Harizi