Në këtë ditë të shënuar për besimtarët e krishterë, vjen edhe urimi për Pashkët i kryetarit të Partisë Demokratike, Lulzim Basha.
Përmes një mesazhi në rrjete sociale, lideri i opozitës thekson se “në këto kohë të vështira, drita e shpresës dhe kurajos u ndeztë në zemrat dhe mendjet e çdo familjeje shqiptare”.
Urimi i Lulzim Bashës:
Të dashur motra dhe vëllezër që kremtoni këtë ditë të shenjtë të Pashkës dhe Ringjalljes së Jezu Krishtit, unë dhe familja ime ju urojmë nga zemra, për shumë vjet Pashkët!
Një urim dhe lutje të veçantë kam sot për ata që po përballen me sëmundjen, për personelin shëndetësor, për punonjësit e policisë, të forcave të armatosura, për klerikët dhe shërbëtorët e Zotit, për prindërit dhe vogëlushët në familjet në nevojë, për të moshuarit, për të sëmurët e më të pamundurit.
Në këto kohë të vështira, drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin.
Zoti ju bekoftë ju dhe familjet tuaja, Zoti e bekoftë Shqipërinë dhe shqiptarët kudo ku janë!
