Dhëndri i ish-kryetares së Kuvendit, Jozefina Topalli, sipërmarrësi Angjelin Serreqi është vendosur në fokus të një shkrimi të publikuar nga revista prestigjioze “Forbes”.
Vajza e Jozefina Topallit, Megi Topalli me anë të një postimi në Instagram, publikoi shkrimin dhe iu drejtua bashkëshortit me fjalët: “Jam krenare për ty!”
Në artikullin me temë: “Ushtrimet, ushqimi i shëndetshëm dhe teknologjia: formula e përsosur për t’u përballur me Fazën 2 të epokës Covid-19”, është përmendur biznesi i Serreqit.
Sipas “Forbes”, ekipi i kësaj kompanie është e para në botë që ka propozuar “Trajnimin live streanimig”, i cili iu lejon të stërviteni në shoqërinë e njerëzve të tjerë, me miq virtualë, drejtuar nga një trajner.
Angjelini është pinjoll i një familjeje të vjetër e të njohur shkodrane. Ai ka jetuar për disa vite në Itali ku ka përfunduar edhe studimet në Universitetin e Padova-s për shkenca kompjuterike.
