Vala e të nxehtit afrikan që ka përfshirë Europën po vjen drejt Shqipërisë, çfarë pritet të ndodhë

Moti në vendin tonë do të jetë sërish me temperatura të larta, për shkak të valës së të nxehtit afrikan që ka përfshirë Europën.

Sipas meteorologes Lajda Porja, parametri i erës do të bjerë ndjeshëm krahasuar me këto të ditëve të fundit.

Problem do të jenë temperaturat e larta deri në 40 gradë Celcius, duke nisur që nga kjo fundjavë.

I nxehti afrikan do të zgjasë edhe javën tjetër, por nuk do të favorizojë situatën e zjarreve, për shkak të shpejtësisë së ulët të erës.

Situata nuk do të jetë e njëjtë për sa i përket erës, sepse shpejtësia gjatë fundjavës në disa momente do të arrijë deri në 35 km/ h në brigjet e detit të Vlorës.

Kjo gjë do të favorizojë zjarret aktive, që do të përhapen duke zgjeruar vatrat.

Në këtë periudhë nuk do të ketë reshje shiu, ose do të jenë të papërfillshme në zonat malore.