Pas lajmit tronditës se ish-zyrtarja e LSI-së nga Durrësi, Luzhiana Abazi ndërroi jetë në moshën 47-vjeçare, ka reaguar kryetarja e kësaj partie Monika Kryemadhi.
Me fjalë të ndjera dhe e pikëlluar, përmes një statusi në Facebook Kryemadhi shkruan
STATUSI I PLOTË
Nuk mund të shkruaj, ka orë që mundohem por është vështirë. Luzhi u largua fizikisht sot nga ne, duke na lënë një dhimbje dhe boshllëk të pazëvendueshëm. Energjia dhe dashuria që ajo na dhuronte pa kushte do të na mungojë gjithmonë. Ndoshta sëmundja e rëndë ja doli të të mundë përkohësisht, por ti do jesh engjëlli që do na shohësh e do kujdesesh për ne, siç ke bërë gjithmonë. E dashur motra ime, mikeshë e zemrës dhe e betejave tona, do të jesh gjithmonë pjesë e imja, në ditë të vështira dhe të mira. Sepse askush nuk mund ta zëvendësojë forcën dhe kurajon që vëtem ti dije të na jepje si askush.
