VLORE, 17 prill 2013– Një trup i pajetë është gjetur mbrëmjen e të martës në Vlorë, në afërsi të vendit të njohur si ish-poligoni.
Trupi i gjetur nga kalimtarët e rastit, i përket një djali të ri, ende i paidentifikuar.
Kjo zonë është e njohur në vlorë për përdoruesit e drogës, për shkak të distancës nga vendet e banuara.
Ndërkaq, policia dyshon se shkak i vdekjes është overdoza, pasi pranë trupit janë gjetur një shiringë dhe letër alumini që përdoret për heroinën.
Ai e kishte injektuar në kofshë dhe mendohet të ketë pësuar infarkt.
Gjithsesi pritet përfundimi i ekspertizës mjeko-ligjore, si dhe identifikimi i personit.
