Ai shkroi në një postim në "Facebook", se pasi u mendua për një periudhë të gjatë, vendosi këtë gjë: të mbante mbiemrin e bashkëshortes. Grant Philips, madje shtoi se ka shumë arsye për të marrë mbiemrin e gruas, por kryesorja ishte që të ndihmonte në vazhdimin e emrit të familjes së saj.
Bashkëshortja e Grant, Jade është një ndër dy vajzat e familjes, të cilët nuk kanë kushërinj dhe mbiemri i tyre do humbasë pas kësaj gjenerate. Nëse të gjithë po mendojnë që kjo nuk është aspak diçka e bukur apo romantike, Grant thotë:
"Unë e di se shumë njerëz kanë perceptimin që nëse një burrë merr mbiemrin e bashkëshortes është i ulët. Unë mendoj dhe besoj se kjo është perspektivë e trishtuar bazuar në një traditë të vjetër."
Sakaq postimi i tij mori komente shumë pozitive, ku ishin të shumta femrat që e përgëzonin për vendimin që kishte marrë. Ndryshe nga sa pritej!
