Është vetë fëmijë, por një 13-vjeçare u bë edhe nënë në Kosovë.
Ajo lindi një vajzë 2.9 kg, babai i së cilës është i mitur. Mjekët thonë se gjendja e nënës dhe e të posalindurës është e mirë.
Rr.H. muajin e kaluar mbushi 13 vjet.
Edhe babai i foshnjës është i mitur. Ai që të mërkurën u pa para spitalit me nënën e tij dhe atë të vajzës, që lindi beben.
Ai ka vetëm 16 vjet dhe bashkëjeton me partneren e tij në Ferizaj.
Ai thotë se e bija erdhi në jetë nga dashuria.
Të njëjtën gjë e thanë edhe familjarët e vajzës, të cilët po ashtu e pranojnë se ishin në dijeni si për lidhjen ashtu edhe për shtatzëninë e bijës së tyre.
Familjet e dy fëmijëve që u bënë prindër jetojnë në kushte të rënda. Nëna e re thuhet se e ka lënë shkollën më herët.
Policia konfirmoi se mori në pyetje baballarët e të miturve dhe se ata me urdhër të prokurorit janë dërguar në mbajtje për 48 orë./klankosova
