Një aksident tronditës ka ndodhur në një park argëtimi në Arabinë Saudite. Konkretisht, të paktën 23 persona u plagosën kur një lojë në parkun argëtues Green Mountain Park në zonën Hada pranë Taifit, Arabi Saudite, u prish, ndërsa ishte e mbushur me njerëz.

Në videot që u publikuan sot në mediat sociale, vizitorët e parkut shihen duke u argëtuar në një lojë të njohur kur shtylla qendrore u thye në dy pjesë.

Kjo bëri që ajo të shembej me njerëzit ende në të, duke rezultuar në disa lëndime serioze, sipas Okaz, një gazetë e njohur e Arabisë Saudite.