Lionel Messi po impresionon në futbollin amerikan, duke shfaqur një formë të jashtëzakonshme sportive.

Ylli argjentinas ishte protagonist edhe në ndeshjen e tij të dytë me Inter Miami CF, duke shënuar një dygolësh në fitore 4-0 kundër Atlanta United FC.

Në ndeshjen e vlefshme për Kupën e Ligës, Messi dha edhe një asist, ndërsa tregoi një nivel të lartë me pasimet e tij unike.

Pas dy ndeshjesh 36-vjeçar ngjitet në kuotën e tre golave në futbollin amerikan.

Shtatë herë fituesi i Topit të Artë e nisi aventurën në Amerikë me një gol spektakolar nga gjuajtja e lirë në fitoren ndaj Cruz Azul.

Kampioni i botës i dha fund përvojës evropiane, ku luajti me Barcelonën e Paris Saint-Germain për t’u transferuar në MLS.