Ky është momenti i arrestimit të Elson Dacit, autorit të dyshuar të vrasjes së Valmir Kolaverit dhe plagosjes së vëllait të tij Robert Kolaverit.
Policia ka shpërndarë pamjet e operacionit të zhvilluar mbrëmjen e djeshme nga efektivët e policisë së Tiranës në bashkëpunim me forcat RENEA, në orën 23:30 në një hotel në autostradën Tiranë-Durrës, ku fshihej 27-vjeçari.
Elson Daci, lindur në Kukës e banues në Bathore, dyshohet të jetë autori i vrasjes së ndodhur më 4 nëntor të këtij viti në Bathore. Ai ishte në lokal bashkë me dy vëllezërit Kolaveri, kur ka nisur të grindet me ta. U largua nga lokali, për t’u rikthyer me një pistoletë në dorë, me të cilën qëlloi ndaj dy vëllezërve. Njëri prej vëllezërve, Valmiri, nuk mundi t’u mbijetojë plagëve të marra dhe vdiq në spital.
