Dy automjete janë përplasur me njëra-tjetrën mesditën e sotme në autostradën Tiranë-Durrës.

Aksidenti është regjistruar në zonën e Vorës, ku përplasja e dy mjeteve të përfshira në ngjarje, njëra tip “Fiat Doblo” dhe tjetra tip fuoristradë “Volvo”, ka rezultuar tepër e fortë.

Siç shihet dhe nga pamjet e publikuara nga faqja “Harta dixhitale e aksidenteve rrugore dhe Lëvizja pro Jetës”, dëmet materiale të shkaktuara janë të mëdha, ndërsa fatmirësisht nuk raportohet për persona të lënduar.